خلوه يجرحني

خَلّوه .. يَجْرَحْنِي و يِرتـاح .. خَلّـوه

يِبُوح .. باشْيَاء ٍ .. قديمَـهْ .. كتمْهـا


لا مَاعَلى .. طَعْنات يَدّيـه .. مَشْـروه

أسْتاهل الطّعْنَهْ .. واجِي .. و اغْتنمْها


قُولوا لهْ انّي قلْت يانـاس ..عانُـوه

ذا .. قَلْبَهْ الغالي.. وروحِـي حَكمْهــآ


هُو منْ كسَبْني يـوم غيـرَهْ تَحَـدّوه

لو كنْت ( ديرَهْ ) كان قلْبَهْ.. ( عَلمْها )


مَاغرّني غيـرَهْ ولا الْغيـر .. غَـرّوه

لكنْ مباني الحـبْ .. حَظّـي هَدَمْهـا


في حفْرَة الضّيقَهْ .. اذا طاح.. شلّـوه

هُو منْ حَيَاتِي .. بالسّعـادَهْ رسَمْهـا


طلْتَهْ ولا غيري من النّاس .. طَالـوه

لَهْ هيبة ٍ .. عنّ جدْ.. انـا أحْترمْهـا


بَقول يَاقلْـب ٍ نفَـعْ نَـاس .. بَاعـوه

زمن نفَعْ نَاس ٍ .. و نَاس ٍ .. ظَلمْهـا


بَرْحَل عنْ ديَارَهْ .. وفالقَلب .. انْسـوه

متــدَفـي بنَـار ٍ..فُراقَـهْ فَحمْـهـا


مَجْبُور أجَافِي .. بَسّ وصّوه .. وصّوه

يَذكرْ لِيالـي .. حبّنـا .. ويْحشمْهـا


مَاجَاه مِنّي.. أيْ غَلْطَـهْ .. ومَكْـرُوه

راح بشموخَهْ.. والمَحَبّه ..حَسمْهـا


خَلّوه يَنْسانـي .. ويِرْتـاح .. خَلّـوه

مَادامَها .. فَرْقا .. رَبّـي.. قسَمْهـا

يعطيك العافيه

الله يعافيك ع المرور

مشكور على القصيده

العفوووو وشاكر مرورك