مو بس أحبك !!
ماقلت أحبك ولا قد قلت ما أحبـك
أحب ماي عيني وانـت تسواهـا
لو تدري شكثر تعني لي تعرف انك
آخر أمل فـي حياتـي وأول مناهـا
ياكثرما أحس ان بك مني وبي منـك
روحٍ قسمها على شخصين مولاهـا
لا تقول شتحب فيني أعشقك كلـك
من ليل شعرك لشمسك لآخر أقصاها
سميتني نصفك الثاني ويا شحـك
انا بسميـك كلـي وانـت معناهـا
تعبت أوديك لـه ياقلـب ويـردك
لا خذا حلومي ولا خلانـي أنساهـا
كل الحمام استراح وناح في ظلـك
والورد الأصفر سقته الروح من ماها
ليتك بعمري ثلاث أشخاص ما ملّك
واحد معي دوم وواحد روحي يملاها
والثالث بجفن عيني لافقد حسـك
أو غمض الجفن جاني فيك يتباهـى
مو بس أحبك أنا والله مـن حبـك
أحب حتى ثرى الأرض اللي تاطاهـا
14/3/2010, 19:03
