خلاص فارقني ترى اليوم مبغاك
ما ابيك لو انك ياخاين تبيني
احلوت ايامي وزانت بلياك
وسنيني اللي معك اسوأ سنيني
صبرت لين الصبر فاض وتعداك
ومع هذا قلبك ماقدر يحتويني
حقي في وصلك كم خفوقي ترجاك
لكن قلبك ماشعر يوم فيني
متصور اني ماقدر بيوم فرقاك
رغم الغلا اللي كان بينك وبيني
هذاك لو انك تمهلت بخطاك
وقدرت حبي لك وكثرة حنيني
ادري حرقتك يوم قررت انا اجفاك
وامسح ملامح صورةٍ لك بعيني
الصوره اللي بأجمل الوصف تزهاك
تشوهت ياصاح في ناظريني
لوهي بكت عينك فلاهمني بكاك
لايمكن ارجع لك وأعدك ظنيني
لوجيت بكره تشتكي كيف انا انساك؟
لامانسيتك لين قلبي نسيني
انت الذي حديت قلبي يتحداك
نشوف انا اللي اجيك والا تجيني!
لكن تأكد لو تبيني فلا ابغاك
كرامتي ترفض لو انك تبيني..!!