قصيدة نايف بن عرويل في شاعر المليون

يابنات الفكر منصاك العروش %% والعرب مابين قال وبين ويش

درهميهم مثل درهام الطروش %% لين يظهر للجموع الدهم جيش

عاهليه وانسبوها في كروش %% والخطاء صار اعتذاره ماعليش

لو يمرالموت من بين الرموش %% راحت الرديان فالماقف طشيش

ولو يدوس الموت قواد الجيوش %% مايموت الذل في قلب الخريش

مانكب صدام غير اذناب بوش %%ولانكبني غير طيبي مع غشيش

الفعول اتبين والطيّب يشوش %% والاصايل ماتقارن بالكديــــــــش

والفروخ تفر وتعاف العشوش %% ولاخبرنا طارطير بدون ريش

ياشعام الحرب والقلب مخروش %% ماكليت من الوجيه السود عيش

حملوك الرث من رث العفوش %% والحمول اتهد يالعظم الهشيش

والجثث ماشالها غير النعوش %% والنعوش اصنام لاشح الدقيش

والعرب تعرف مقامك لو تهوش %% حيـةًً مافادها كثر الوشيش

لو تجيب الهرج والهرج مغشوش %% من يشكك في محمد من قريش

لاتعرش العضم والعضم معروش %% لوتقول الجوع قلت الذل ليش

من يبيع اسمه على شان القروش %% فالحرام انه على الدنيا يعيش

الله يعطيك العافية..

مشكور على المرور