على الوعد جيتك ولاني بناسيك
................. وانا تراني جيتك اليوم عاني
اموت في حبك واهواك واغليك
................. وعشقٍ عشقته في دروبك رماني
يعني انا ميت من قبل لا جيك
.................. قتلتني بالظلم واظلم زماني
تدري عذابي راحتي كلها فيك
................ ودي تحس بيوم ويش اللي جاني
ياما سهرت االليل اكتب واناجيك
................ وبكيت ليلي مير محدٍ بكاني
كل الدروب اليوم تنطر خطاويك
........... وحتى الاماكن كلها والمباني
اشتاق لك يازين وابيك وابيك
.............. واشتاق لك والله كثر الثواني
واشتاق لك والله لحل طاريك
............ واشتاق لك شوق السفن للمواني
واشتاق ضحكه من شفايف معاليك
........... واشتاق لك لامن همي طواني
واشتاق لك مافيه زيفٍ وتشكيك
............. شوقٍ صعب ياصله انسان ثاني
يازين تكفى قول وشهو اللي يرضيك
............. امر تدلل قول واطلب اماني
صارت حياتي كلها بين اياديك
............. وانا تحت امرك ومدري شبلاني
تعبت انا وياك مليت اناديك
....... والصبر له احدود والعمر فاني
ودي تحاتي ياكثر ما احاتيك
........... واشيل همك لين همك كلاني
باكر ترى باموت وماظن يمديك
......... في وقتها مابيك تبكي و تعاني
28/2/2010, 19:18
